2026-yil 9–12-iyun kunlari Surxondaryo viloyatining Termiz shahri, Denov va Sherobod tumanlarida davlat buyurtmachilari hamda tadbirkorlik subyektlari uchun davlat xaridlarida ishtirok etish tartib-taomillari va “yashil xaridlar”ni amalga oshirish masalalariga bag‘ishlangan qisqa muddatli o‘quv kurslari tashkil etildi.

Mazkur o‘quv kurslari O‘zbekiston Respublikasi Prezidentining 2024-yil 10-iyuldagi PQ–249-son qarorining 8.5-bandi hamda 2025-yil 30-yanvardagi PF–16-son Farmoni bilan belgilangan vazifalar ijrosini ta’minlash maqsadida o‘tkazildi.

O‘quv mashg‘ulotlarida kafedra professor-o‘qituvchilari R. Bakieva va B. Muhammad tomonidan davlat xaridlarining amaldagi tartib-taomillari, elektron xarid tizimlaridan foydalanish, shuningdek, “yashil xaridlar” tamoyillarini amaliyotga joriy etish masalalari bo‘yicha ma’ruzalar qilindi.

Tadbir davomida ishtirokchilar bilan ochiq muloqot o‘tkazilib, davlat xaridlari sohasidagi dolzarb masalalar yuzasidan tushuntirishlar berildi.