"O'zbekiston Respublikasining Davlat bayrog'i to'g'risida"gi Qonun 1991-yil 18-noyabrda O'zbekiston Respublikasi Oliy Kengashining sakkizinchi sessiyasida qabul qilingan.

O'zbekiston Respublikasi Davlat bayrog'ining ramziy ma'nosi mamlakatimiz hududida mavjud bo'lgan qudratli kuchlarning bayroqlariga xos bo'lgan eng yaxshi an'analarni davom ettirmoqda, ayni paytda respublikaning tabiiy xususiyatlari, xalqning milliy va madaniy o'ziga xosligini aks ettiradi.

Bayroqdagi moviy rang – ko'k osmon va toza suvning ramzi. Sharqda osmon rangi hurmat qilinadi, bir vaqtlar uni Buyuk Amir Temur o‘zining bayrog'i uchun tanlagan.

Oq rang – tinchlik va poklik ramzi. Yosh mustaqil davlat o'z yo'lida ko‘p dovonlardan o'tishi kerak. Bayroqdagi oq rang – bu yo'l toza va yorqin bo'lishi uchun yaxshi istak.

Yashil rang – unumdor tabiatning tasviri. Hozirgi kunda butun dunyoda atrof-muhitni muhofaza qilish harakati kengayib bormoqda, uning ramzi ham yashil rangdir.

Qizil chiziqlar – hayotning ramzi bo'lgan har bir tirik mavjudotda jo‘sh urgan hayotiy kuchlardir.

Yarim oy O'zbekiston xalqining ko'p asrlik an'analariga mos keladi. Yarim oy va yulduzlar –dunyoning toza osmonining ramzi. Bizning bayrog‘imizda 12 yulduz bor. 12 raqami mukammallik ramzi hisoblanadi.