O'zbekiston Respublikasi Prezidentining 2020-yil 28-apreldagi PQ-4699-son "Raqamli iqtisodiyot va elektron hukumatni keng joriy etish chora-tadbirlari to'g'risida"gi Qaroriga muvofiq 2020-2024-yillarda O'zbekiston Respublikasining davlat moliyasini boshqarish tizimini takomillashtirish strategiyasini amalga oshirish bo'yicha Harakatlar rejasiga binoan, O‘zbekiston Respublikasi Iqtisodiyot va moliya vazirligi huzuridagi “Axborot texnologiyalari markazi” DUK mutaxassislari Alisher Xanbabayev va Abdurahmon Xundibayev tomonidan O'quv markazi tinglovchilari uchun DMBAT-2 axborot tizimida ishlash jarayoni, yangi tizimlarning yutuq va kamchiliklariga oid davra suhbati bo'lib o'tdi.
Davra suhbati davomida mutaxassislar tomonidan DMBAT-2 axborot tizimini takomillashtirishning huquqiy asoslari, IPSAS talablari bo'yicha ushbu dasturiy majmuaning kamchiliklari, Davlat sektorida budjet hisobi standartlarini birxillashtirish hamda amaldagi DMBAT dasturini IPSASni joriy etishdagi imkoniyatlari haqida so'z bordi.
Aytib o'tish joizki, "UzASBO-2 dasturiy majmuasi va DMBAT-2 axborot tizimiga o'tish strategiyasi va texnologiyasi yuzasidan amaliy ishlarni tashkillashtirish to'g'risida"gi O'zbekiston Respublikasi Iqtisodiyot va moliya vazirligining buyrug'iga binoan 2024-yilning 1-yanvaridan barcha budjet tashkilotlari tomonidan budjet hisobi va hisoboti yuritilishini ta'minlash uchun UzASBO-2 dasturiy majmuasidan foydalanish joriy etilishi belgilangan.
Shuningdek, uchrashuvda Davlat budjeti ijrosi to'g'risidagi hisobot ko'rsatkichlari yanvar oyida yakunlanishi inobatga olingan holda DMBAT-2 axborot tizimidan 2024-yilning 1-fevralidan boshlab foydalanishga ruxsat berilganligi ta'kidlandi.
Davra suhbati ishtirokchilari va hududiy boshqarma xodimlari tadbir davomida o'zlarini qiziqtirgan barcha savollarga soha yetakchilari tomonidan javob olishdi.
