2017-yilning aprel oyida Moliya vazirligi Axborot-hisoblash markazi tomonidan yo‘lga qo‘yilgan budjet tashkiloti xodimlarining oylik ish haqi va unga tenglashtirilgan to‘lovlarini hisoblashga mo‘ljallangan Telegram messenjeridagi @oylikbot maxsus boti faoliyati hozirgi kunda ham davom ettirilib, texnik jihatdan takomillashtirib borilmoqda.

 Bot faoliyat yuritadigan server uskunalarining eskirishi hamda turdosh bo‘lgan boshqa dasturiy majmualarning ushbu serverdan foydalanishlari so‘nggi vaqtlarda yuklamalarning oshib ketishiga olib keldi. Bu esa botning shtat rejimida ishlashida muammolar kuzatilishiga hamda bot foydalanuvchilari o‘rtasida noroziliklarga sabab bo‘layotgan edi.

 Hozirda bot faoliyat yuritadigan server uskunalari to‘liq yangilanib ish samaradorligi oshirildi. Natijada ortiqcha yuklamalar bilan bog‘liq kamchiliklar bartaraf etib borilmoqda.

 Bugungi kunda bot foydalanuvchilari soni 69216 tani tashkil etmoqda va istiqbolda ushbu raqam oshishidan kelib chiqqan holda mahsulot va xizmatlarni yetkazib beruvchilar uchun ularning mahsulot va xizmatlarini reklama qilish imkoniyati ham yaratildi.

"Oylik bot" faoliyati yuzasidan sizni qiziqtirgan savollar va takliflar yuzasidan (71) 202-03-02 raqamiga qo'ng'iroq qilishingiz mumkin.

Moliya vazirligi

Axborot xizmati