O’zbekiston Respublikasi Prezidentining 2017 yil 23 oktyabrdagi “2017-2020 yillarda shaharlarda arzon ko’p kvartirali uylarni qurish va rekonstruksiya qilish dasturini samarali amalga oshirish borasidagi qo’shimcha chora-tadbirlar to’g’risida”gi PQ-3350-sonli, shuningdek, 2018 yil 24 noyabrdagi “Qishloq joylarda va fuqarolarning ayrim toifalari uchun arzon uy-joylarni qurishni kengaytirishga oid qo’shimcha chora-tadbirlar to’g’risida”gi PQ-4028-sonli qarorlariga asosan, qishloq joylarda 15010 ta uy-joy, shaharlarda esa 14757 ta xonadondan iborat 355 ta ko’p qavatli uylar qurilishi ko’zda tutilgan. 

Mazkur qurilish ishlarini amalga oshirish uchun O’zbekiston Respublikasi Prezidentining 2018 yil 26 dekabrdagi “O’zbekiston Respublikasining 2019 yilgi asosiy makroiqtisodiy ko’rsatkichlari prognozi va davlat byudjeti parametrlari hamda 2020-2021 yillarga byudjet mo’ljallari to’g’risida”gi PQ-4086-sonli qaroriga muvofiq 2019 yilda Davlat byudjeti parametrlarida 4 078,1 mlrd.so’m mablag’ ajratilishi ko’zda tutilgan bo’lib, 2019 yilning 1 noyabr holatiga 3 364,1 mlrd.so’m mablag’ ajratib berildi.