Oʻzbekiston Respublikasi Moliya vazirligi Davlat budjeti departamenti va Moliya vazirligi huzuridagi Oʻquv markazi hamkorligida Respublikamizdagi oliy taʼlim muassasalari talabalari bilan tashabbusli budjetlashtirish jarayonining mazmun-mohiyati, amalga oshirish mexanizmi hamda Moliya vazirligining “Yoshlar - yuqori marralar” platformasida yoshlar uchun yaratilgan imkoniyatlar va amalga oshirilayotgan tadbirlar boʻyicha maʼlumotlar berish yuzasidan amaliy seminarlar davomli tashkil etilmoqda.
Jumladan, joriy yilning 1-aprel kuni Oʻzbekiston Respublikasi Moliya vazirligi huzuridagi Oʻquv markazi direktori I.Xamidova, professor-oʻqituvchilaridan B.Ilxomov, Oʻzbekiston Respublikasi Moliya vazirligi Davlat budjeti departamenti bosh mutaxassisi X.Hamdamova va Moliya vazirligining Yoshlar yetakchisi Dilshod Jumanazarovlar ishtirokida Toshkent davlat transport universiteti talabalari bilan tashabbusli budjetlashtirish jarayonida hamda “Yoshlar-yuqori marralar” platformasi doirasidagi tadbirlarda talabalar faolligini oshirishga qaratilgan amaliy seminar oʻtkazildi.
Amaliy seminarda talabalarga tashabbusli budjetlashtirish jarayonining meʼyoriy-huquqiy asoslari, amalga oshirish mexanizmi va fuqarolarning budjet jarayonidagi ishtiroki masalalari keng yoritilib, “Open budget” axborot portali orqali fuqarolar tomomnidan kiritilgan loyiha takliflari tahlil qilindi. Shuningdek, Moliya vazirligining “Yoshlar-yuqori marralar” platformasi va tashabbusli byudjetlashtirish jarayonida faol ishtirok etan talabalarni ragʻbatlantirish maqsadida joriy etilgan “Tashabbuskor budjet elchisi” tanlovi boʻyicha batafsil maʼlumotlar berildi.
Shuni taʼkidlash joizki, amaliy seminar jonli muloqot tarzida oʻtkazilib, talabalar mavzu yuzasidan oʻz fikr va mulohazalarini bildirdilar, ular tomonidan tashabbusli byudjetlashtirish jarayoni, loyihalarni moliyalashtirish bilan bogʻliq juda koʻp muammoli savollar oʻrtaga qoʻyildi hamda mutaxassislar tomonidan ushbu savollarga atroflicha javob berildi.
