Boboev Azam Muzafarovich O‘zbekiston Respublikasi Moliya vazirligi Inson resurslarini rivojlantirish va xodimlarni ma'murlash departamenti direktori lavozimiga tayinlandi.

Azam Boboev 1976-yilda Buxoro viloyati, Vobkent tumanida tug‘ilgan, millati o‘zbek. Ma'lumoti oliy, 2004-yilda Toshkent davlat iqtisodiyot universitetini, 2009-yilda O‘zbekiston Respublikasi Prezidenti huzuridagi Davlat va jamiyat qurilishi akademiyasi qoshidagi Oliy biznes maktabini iqtisodchi, aholishunoslik va mehnat iqtisodiyoti, biznes boshqaruvi yo‘nalishi bo‘yicha tamomlagan.

Mehnat faoliyatini 1991-yilda Buxoro viloyati Vobkent tumanining I.Naimov nomli xo‘jaligi tabelchisi lavozimida boshlagan. Keyinchalik ushbu xo‘jalikning hisobchisi sifatida faoliyat yuritgan.

Moliya vazirligi tizimida o‘z faoliyatini  2002-yilda O‘zbekiston Respublikasi Moliya vazirligi Mudofaa majmui, xuquq-tartibot organlari va boshqa sohalarni moliyalashtirish boshqarmasi 1-toifali iqtisodchisi sifatida boshlagan. 2003-2006-yillarda mazkur boshqarmaning yetakchi iqtisodchisi va bosh iqtisodchisi lavozimlarida faoliyat yuritgan. 

2006-2009-yillarda Mudofaa majmui, xuquq-tartibot organlari va boshqa sohalarni moliyalashtirish boshqarmasi xuquq-tartibot organlari va boshqa sohalarni moliyalashtirish bo‘limi boshlig‘i, 2009-2012-yillarda esa Moliya vazirligi Birinchi bo‘lim boshlig‘i vazifasini bajaruvchisi lavozimida ishlagan.

Tayinlovga qadar, O‘zbekiston Respublikasi Moliya vazirligi Mudofaa majmui, huquq-tartibot organlari va boshqa sohalarni moliyalashtirish departamenti direktori o‘rinbosari-Huquq-tartibot organlari va boshqa sohalarni moliyalashtirish bo‘limi boshlig‘i lavozimida samarali faoliyat yuritgan.

Moliya vazirligi

Axborot xizmati