Joriy yilning 23 sentyabr kuni Moliya vazirligi huzuridagi O‘quv markazida Hindistonning “C&K Management Ltd” kompaniyasi mutaxassislari bilan birgalikda ishlab chiqilgan “Davlat xaridlari bo’yicha elektron o‘quv kursi”  dasturi yuzasidan onlayn seminar bo‘lib o‘tdi. Mazkur seminar 3 kun davom etishi rejalashtirilgan bo‘lib, Jahon banki, Moliya vazirligining Axborot-hisoblash markazi, Moliya vazirligining Davlat xaridlari departamenti xodimlari, Moliya vazirligi huzuridagi O‘quv markazi professor-o‘qituvchilari hamda “Oks-technologies” firmasi mas’ul mutaxassislari ishtirokida “Zoom” dasturi orqali o‘tkazilmoqda.

“Davlat xaridlari bo’yicha elektron o‘quv kursi” dasturi Jahon bankining grant mablag‘lari hisobidan amalga oshirilgan “O‘zbekistonda davlat xaridlarini rivojlantirishni qo‘llab-quvvatlash” loyihasi doirasida ishlab chiqilgan bo’lib, seminar doirasida kompaniya vakillari tomonidan mazkur dasturdan foydalanish, uning kontentlariga o‘zgartirishlar kiritish va ma'lumotlarni yangilash imkoniyatlari bo‘yicha zarur tushuntirishlar olib borilmoqda.

Mazkur dasturdan Moliya vazirligi tizimi xodimlari, davlat buyurtmachilari va davlat xaridlari bilan shug‘ullanuvchi mutaxassislarning davlat xaridlariga oid bilim va ko‘nikmalarini oshirishda keng foydalanish rejalashtirilgan.