O‘zbekiston Respublikasi moliya vazirligi huzuridagi O‘quv markaziga o‘zlarini kasbiy malaka va bilimlarini oshirish uchun - hududiy G’aznachilik bo‘linmalari “Moliyaviy majburiyatlarning ijrosi va moliyaviy resurslarni boshqarish” guruhi bosh inspektorlari uchun 6 – 17 iyun kunlari o‘quv kurslari rejaga muvofiq tashkil etildi.
Ushbu o‘quv kurslari davomida g‘aznachilik tizimi mutaxassislariga 30.12.2021 yilda qabul qilingan “O‘zbekiston Respublikasi Davlat budjeti to‘g‘risida”gi O‘RQ-742 qonuni, budjet tizimidagi islohotlar, dasturiy ta’minotdagi o‘zgarishlar, O‘z.R. Vazirlar Mahkamasining 22.05.2018 yildagi “O‘zbekiston Respublikasi moliya vazirligining yagona g‘azna hisobvarag‘idagi mablag‘larni boshqarishni tartibga solish to‘g‘risida”gi 383-sonli qarori bo‘yicha yagona g‘azna hisobvarag‘idagi bo‘sh pul mablag‘larni bank depozitlariga joylashtirish tartiblari, davlat moliyasini boshqarish, davlat xaridlaridagi yangiliklar O‘quv jarayonida bevosita nazariy jihatdan o‘rgatildi.
Tinglovchilarni bilim va ko‘nikmalarini amaliy jihatdan mustahkamlash maqsadida O‘quv markazi rahbariyati tashabbusi bilan tinglovchilarni joriy yilning 9 iyunida O‘z.R. Moliya vazirligi G’aznachiligiga amaliyot o‘tash uchun borildi. Vazirlikda amaliyotni o‘tashdan maqsad, malakali mutaxassislardan “master klass” o‘rganish va shu bilan birgalikda o‘zlarining tumanlarida ish jarayonida yuzaga kelgan ko‘plab muammo va savollarga yechim topishdir. Tinglovchilar Davlat xaridlari departamenti, Budjet ijrosi va to‘lovlarni boshqarish departamenti, Ichki audit va monitoring boshqarmasi va boshqa bulimlarda amaliyot o‘tab o‘zlari uchun kerakli bilim va ma’lumotlarga ega bo‘ldilar hamda o‘zaro o‘rtoqlashdilar.
Ushbu vazirlikka tashkil etilgan amaliyot tinglovchilarga ijobiy ta’surotlar va kelgusi faoliyatlarida foydaliligi bilan O‘quv markaziga o‘z minnatdorchiliklarini bildirdilar.
