O‘zbekiston Respublikasi Moliya vazirligi Xodimlar bilan ishlash boshqarmasi
va Moliya vazirligi huzuridagi O‘quv markazi hamkorligida
“Soliq tizimiga kiritilgan o‘zgartirishlar” mavzusida
onlayn seminar bo‘lib o‘tdi
O‘zbekiston Respublikasi Moliya vazirligi Xodimlar bilan ishlash boshqarmasi Moliya vazirligi huzuridagi O‘quv markazi bilan hamkorlikda 2020-yil 13-avgust kuni “Soliq tizimiga kiritilgan o‘zgartirishlar” mavzusida (Zoom ilovasi orqali) vebinar shaklida onlayn seminar tashkil etildi.
O‘tkazilgan seminarda Moliya vazirligining markaziy apparati va barcha tarkibiy bo‘linmalardan hodimlar bevosita ishtirok etdilar.
Seminar O‘quv markazining “Davlat moliyasi” kafedrasi katta o‘qituvchisi Aripova Nasiba Azadovna tomonidan olib borildi. Ushbu seminarda Davlat moliyasiga oid so‘nggi davrda qabul qilingan me’yoriy-huquqiy hujjatlarning tahlili, yangi tahrirdagi “Soliq kodeksi”ning mazmun-mohiyati hamda soliq islohotining asosiy o‘zgarishlari, shuningdek koronavirus pandemiyasi davrida soliq tizimiga kiritilgan o‘zgartirishlar, davlat byudjeti daromadlari tarkibida soliqlarning ulushi, 2020-yil uchun belgilangan soliq stavkalari, maxsus soliq rejimlari, soliq nazorati turlari, koronavirus pandemiyasi davrida aholi va tadbirkorlik subyektlarini qo‘llab-quvvatlash bo‘yicha qabul qilingan chora-tadbirlar hamda 2020-yil 1-yarim yilligida soliqlar bo‘yicha tushumlar tahlili masalalari yuzasidan ma’lumotlar berildi. Shu bilan birga, mavzuni yoritishda N. Aripova zamonaviy dars o‘tish metodlaridan to'liq foydalangan holda slaydlar, infografikalar hamda video roliklardan foydalandi.
O‘tkazilgan onlayn seminar ishtirokchilarda katta qiziqish uyg‘otdi. Seminar yakunida savol-javoblar berib borish bilan birga, takliflar ham kiritildi.
O‘tkazilgan seminarning asosiy maqsadi - Inson resurslarini rivojlantirish tamoyili asosida xodimlarining bilim, malaka va ko‘nikmalarini hamda salohiyatini oshirish, shuningdek kasbiy mahoratlarini rivojlantirish va faoliyat samaradorligini oshirish bo‘ldi.
Ta’kidlash joizki, bu kabi onlayn seminarlarni tashkil etish 2020-yil yakuniga qadar rejalashtirilgan bo‘lib, har oy davomida o‘tkazib boriladi.
