O‘zbekiston Respublikasi Moliya vazirligi Xodimlar bilan ishlash boshqarmasi Moliya vazirligi huzuridagi O‘quv markazi bilan hamkorlikda
2020-yil 10-sentabr kunida O‘zbekiston Respublikasi Moliya vazirligining O‘quv markazi tomonidan Moliya vazirligi tizimidagi xodimlar uchun mo‘ljallangan “Zamonaviy g‘aznachilik tizimi” mavzusida vebinar shaklida (Zoom ilovasi orqali)  navbatdagi onlayn seminar tashkil etildi.

Vebinar shaklida o‘tkazilgan ushbu seminarda Moliya vazirligining markaziy apparati va barcha tarkibiy bo‘linmalarining  xodimlari ishtirok etdilar.

Seminar Moliya vazirligi huzuridagi O‘quv markazining “Davlat budjetining g‘azna ijrosi” kafedrasi katta o‘qituvchisi Iroda Ahmadjanovna Musayeva tomonidan olib borildi.  

Ma’ruzachi Iroda Musayeva o‘zining “Zamonaviy g‘aznachilik tizimi” nomli taqdimotida zamonaviy sharoitda G‘aznachilik tizimining xorij tajribasi, AQSh G‘aznachilik departamentining zamonaviy moliya tizimidagi o‘rni, Rossiya G‘aznachilik tizimining o‘ziga xos xususiyatlari, Qozog‘iston Respublikasi G‘aznachilik tizimining rivojlanishi hamda O‘zbekistonda zamonaviy G‘aznachilik tizimining shakllanishida jahon tajribasining qo‘llanilishi bo‘yicha munozarali suhbat olib bordi.

O‘tkazilgan seminarni ishtirokchilar, ayniqsa vazirlikning G‘azna xodimlari  katta qiziqish bilan qabul qilishdi. Seminar yakunida mavzuga doir savol-javoblar o‘tkazildi, ishtirokchilar tomonidan takliflar bildirildi.

Eslatib o‘tish kerakki, bu kabi seminarlarni tashkil etish 2020-yil yakuniga qadar rejalashtirilgan bo‘lib, har oyda o‘tkazib boriladi.