O'zbekiston Respublikasi Iqtisodiyot va moliya vazirligi markaziy apparati hamda vazirlik huzuridagi O‘quv markazi xodimlari tomonidan Maktabgacha ta'lim va Sog'liqni saqlash vazirliklarida faoliyat olib boruvchi  hisobchi va mas’ul xodimlari uchun UzASBO-2 dasturiy majmuasini joriy etilishi yuzasidan seminar-treninglar bo'lib o'tdi.

      Ma'lumot uchun: UzASBO DM – budjet tashkilotlari tomonidan budjet hisobi va hisobotining yuritilishini kompleks avtomatlashtirish uchun mo‘ljallangan dasturiy majmua.

      Mazkur seminarlarni o‘tkazishdan ko‘zlangan asosiy maqsad UzASBO-2 dasturiy majmuasining yangiliklari, yangi dasturiy majmuasida ishlash tartibi to‘g‘risida tushuncha berishdan iborat. Bu esa o‘z navbatida budjet mablagʼlarini yanada samarali boshqarish va budjetni hisobga olish va hisobot berish sifatini yaxshilashni taʼminlaydi.

     Seminarlar davomida ishtirokchilarga UzASBO dasturiy majmuasining yangi funksiyalari va imkoniyatlari taqdim etilmoqda, shuningdek, tizimning har bir foydalanuvchisi, shu jumladan budjet tashkilotlarining rahbar, hisobchi va va xodimlar bilan ishlash bo‘linmasi xodimlarining mas'uliyati va javobgarligi alohida modullarda ishlash orqali belgilanganligi tushuntirildi.