Joriy yilning 3-avgustida O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi respublika Axborot-kutubxona markazida soha rahbar va bosh hisobchilari uchun “G‘aznachilik tizimi va davlat xaridlarida amalga oshirilayotgan o‘zgarishlar” mavzusida o‘quv-seminar tashkil etildi. O‘quv-seminarda O‘zbekiston Respublikasi Iqtisodiyot va moliya vazirligi huzuridagi O‘quv markazida o‘qituvchisi B.Muhammad o‘z ma’ruzasi bilan ishtirok etdi.
Soha mutaxassislarini g‘aznachilik tizimidagi ma’muriy islohotlar, xususan, O‘z.R. Prezidentining 21.12.2022 yildagi PF-269 – sonli farmoni bilan amalga oshirilgan strukturaviy o‘zgarishlar, shuningdek budjet tashkilotlarining G‘aznachilik xizmati bo‘limlari bilan ish faoliyatini huquqiy yo‘lga qo‘yish tartibi, moliyaviy hujjatlarni yuritish, smeta-xarajatlari asosida budjet mablag‘larini samarali va maqsadli kassa xarajatini amalga oshirish tartiblari bo‘yicha ma’ruza qilindi. O‘quv-seminar davomida axborot-kutubxona markazlari rahbar va bosh hisobchilarini davlat xaridlaridagi savollariga javob olishdi. Kelgusida xaridlar yo‘nalishida yuzaga kelishi mumkin bo‘lgan muammoli jarayonlar, har bir xarid turi bo‘yicha elektron axborot portalidan foydalanish tartibi, e’londa hujjatlarni tartib-taomil asosida joylashtirish, shartnomaviy-xo‘jalik munosabatga kirishish bosqichlari batafsil tushuntirildi.
O‘quv-seminarda davlat xaridlarida oxirgi qabul qilingan qonun va qonun osti hujjatlari tavsifi, O‘z.R. Prezidentining 3953-PQ qarori mazmuni, O‘RQ-684 qonuni, O‘z.R. Vazirlar Mahkamasining 20.05.2022 yildagi №276-son qaror mohiyati batafsil tahlil qilib tushuntirish berildi, hamda ushbu me’yoriy hujjatlarni o‘qib o‘rganib chiqishlari zarurligi ta’kidlab o‘tildi.
O‘quv-seminar yakunida hududlardan kelgan soha rahbar va bosh hisobchilari ma’ruza samarali tashkil etilgani, o‘zlariga kelgusi moliyaviy ish faoliyatlarida manfaatli ma’lumotlarga ega bo‘lganliklari, budjet mablag‘laridan maqsadli va samarali sarflanishida belgilangan qonun va qonun osti hujjatlar asosida amalga oshirilishi muhimligi xulosa qilganliklarini ta’kidladilar.
