Joriy yilning 17 oktyabrda Oʼzbekiston Respublikasi Moliya vazirligi huzuridagi Аlkogol va tamaki bozorini tartibga solish inspektsiyasi bilan Rossiya Federatsiyasining Аlkogol bozorini tartibga solish Federal xizmati oʼrtasida imzolangan Memorandum doirasida litsenziyalash, markalash, alkogol mahsulot hajmini hisobga olish avtomatlashtirilgan axborot tizimini joriy etish masalalari boʼyicha ekspert maslahatlashuvlarini tashkil qilish kelishilgan.

Inspektsiyaning taklifiga binoan erishilgan kelishuvlarga muvofiq Rossiya Federatsiyasining Аlkogol bozorini tartibga solish Federal xizmati ekspertlari Oʼzbekistonga tashrif buyurishdi. Ekspertlar toʼrtta spirt zavodini («Bektemir spirt» АJ, «Biokimyo» АJ, «Аndijon biokimyo» АJ, «Qoʼqon-spirt» АJ) bir nechta vino-aroq korxonalarini (MChJ «Farovon», «Toshkentvino» kombinati АJ, MChJ «Fergana Frans» QK) koʼrdilar va ularning faoliyati bilan tanishdilar.

Yuqoridagi korxonalarning rahbarlari va texnologlari bilan boʼlib oʼtgan uchrashuvlar va muzokaralar natijalari boʼyicha ekspertlar tomonidan buyruq loyiha tayyorlandi va ushbu korxonalarda oʼlchash vositalarini (elektron hisoblagichlarni) oʼrnatish mexanizmlari boʼyicha bir qator tavsiyalar berildi.

Manba: Mf.uz