2021-yilning 26-may kuni O‘zbekiston Respublikasi Oliy Majlisi Senati raisi, Kengash raisi – T.Narbaeva boshchiligida Xalqaro reyting va indekslar bilan ishlash bo‘yicha respublika kengashining navbatdagi onlayn yig‘ilishi bo‘lib o‘tdi.

Yig‘ilishning kun tartibidan o‘rin olgan masalalardan birinchi masala Ijtimoiy-iqtisodiy va siyosiy-huquqiy sohaga oid ustuvor xalqaro reyting va indekslarda O‘zbekiston Respublikasining o‘rnini yaxshilash bo‘yicha 2021-yilga mo‘ljallangan chora-tadbirlar rejasining birinchi chorakdagi ijrosi o‘rin oldi. Respublika kengashi tomonidan tasdiqlangan chora-tadbirlarning I chorakda ijtimoiy-iqtisodiy sohada bajarilishi belgilangan 63 ta banddan 36 tasi bajarilganligi, 22 tasi bajarilayotganligi va 5 tasi bajarilmaganligi, siyosiy-huquqiy sohada 29 ta banddan 11 tasi bajarilganligi, 17 tasi bajarilayotganligi va 1 tasi bajarilmaganligi qayd etildi.

Kengashning navbatdagi Bayonnomasi bilan “Meros” jamg‘armasi (Heritage Foundation) tomonidan yuritiladigan “Iqtisodiy erkinlik indeksi”ning 2021-yil uchun mo‘ljallangan qo‘shimcha chora-tadbirlar rejasi va Jahon bankining “Ayollar, biznes va qonun indeksi” bo‘yicha O‘zbekiston Respublikasining o‘rnini yanada yuksaltirish bo‘yicha qaratilagan chora-tadbirlarni amalga oshirish bo‘yicha “Yo‘l xarita”si, O‘zbekiston Respublikasini Mulk huquqi al'yansining “Xalqaro mulk huquqi indeksi”da bosqichma-bosqich aks ettirishga tayyorgarlik ko‘rish buyicha “Yo‘l xarita”si tasdiqlandi.

Moliya vazirligi

Axborot xizmati