Oʻzbekiston Respublikasi Moliya vazirligi huzuridagi Moliya organlari hamda byudjet tashkilotlarining moliya-hisob boʻlinmalari xodimlarini tayyorlash va qayta tayyorlash Oʻquv markazi faoliyatini yanada takomillashtirish boʻyicha 2022-yilda amalga oshiriladigan tasdiqlangan ishlar rejasining 6-bandida, tizim xodimlarining kasbiy bilim va koʻnikmalarini rivojlantiruvchi: “Moliyaviy tahlil”, “Boshqaruv mahorati”, “Liderlik”, “Menejmentning zamonaviy usullari”, “Makroiqtisodiy tahlil”, “Xorijiy tillarni oʻrgatish”, “Kreativ yondashuv” va boshqa dolzarb mavzularda trening, oʻquv kurslari hamda davra suhbatlari tashkil etish belgilangan.

Mazkur belgilangan vazifalar doirasida joriy yilning 6-aprel kuni Oʻquv markazi tomonidan “Taym-menejment yoxud hamma narsaga ulgurish” mavzsida amaliy-trening tashkil etildi. Treningda Tuman (shahar) Moliya boʻlimlarining Mahalliy budjetni shakllantirish va ijrosini monitoring qilish, budjet tashkilotlarini moliyaviy taʻminlash hamda budjetlararo munosabatlar boʻlimi boshligʻi oʻrinbosarlari, Moliya bosh boshqarmasi Budjet daromadlari prognozini tuzish va bazasini mustahkamlash boʻlimi iqtisodchilari va Oʻquv markazining rahbar xodimlari  hamda professor-oʻqituvchilari ishtirok etdilar.

Albatta bugungi kunda muvaffaqiyatli inson boʻlish uchun taym menejment yaʼni vaqtni boshqarish sanʼatidan har qanday inson boxabar boʻlishi, vaqtni boshqarish usullaridan samarali foydalanishi maqsadga muvofiq. Amaliy trening mutaxassis Matchanov Javlon Yunusjonovich tomonidan olib borildi. Trening davomida tinglovchilar maqsadga erishishda vaqtni boshqarishning oltin qoidalari yuzasidan bilimlarga ega boʻldilar, shuningdek, oʻzlarining vaqt kapitali, vaqt resurslari haqidagi tasavvurlarini boyitish, kasbiy, hayotiy va shaxsiy maqsadlarga erishishda vaqtdan samarali foydalanish koʻnikmalari rivojlantirildi.