Joriy yilning 6-aprel kuni Moliya vazirligi huzuridagi Oʻquv markazida “Davlat budjeti gʻazna ijrosi” kafedrasi oʻqituvchilari tomonidan hududiy Gʻaznachilik boʻlinmalari “Moliyaviy majburiyatlarning ijrosi va moliyaviy resurslarni boshqarish” guruhi bosh inspektorlari uchun kasbiy bilim va malakasini oshirish maqsadida “Soha yangiliklari” mavzusida  seminar-trening tashkil etildi. 

Trening zamonaviy texnologiyalarga tayangan holda olib borildi, bunda tinglovchilar kichik guruhlarga boʻlinib ishlashdi. “Davlat xaridlari” boʻyicha muammoli vaziyatlar tahlil qilindi. Shuningdek, hududlarda faoliyat yuritayotgan mutaxassislarga davlat xaridlariga oid yangi qabul qilingan meʼyoriy-huquqiy hujjatlar, tizimda amalga oshirilayotgan islohotlar borasidagi yangiliklar haqida batafsil maʼlumotlar ham berib o‘tildi. Shu bilan birga, ish jarayonida moliyaviy majburiyatlarni qabul qilishda “DMBAT”, “UzASBO”, “UzASBO Faktura” dasturiy taʼminotidagi muammolar va ularning yechimi boʻyicha har bir ishtirokchi oʻzining tajribasidan kelib chiqqan holda fikr almashdi.

Tashkil etilgan trening tinglovchilarda ijobiy taassurot uyg‘otdi, shu bilan birga kelgusida ham bu kabi amaliy o‘quv-mashg‘ulotlari muntazam oʻtkazilb borishligi boʻyicha takliflar berildi.