O‘zbekiston Respublikasi Prezidentining 2022-yil 28-yanvardagi PF–60-son Farmoni bilan “2022–2026-yillarga mo‘ljallangan Yangi O‘zbekistonning Taraqqiyot strategiyasi to‘g‘risida”gi va uni “Inson qadrini ulug‘lash va faol mahalla yili”da amalga oshirishga oid davlat dasturi tasdiqlandi. Shuningdek, mazkur Farmonda Taraqqiyot strategiyasi va Davlat dasturining maqsad va vazifalarini hamda uning mazmun-mohiyatini jamoatchilikka tushuntirish ishlarini amalga oshirish belgilangan.
Shu munosabat bilan, joriy yilning 10-mart kuni Moliya vazirligida tizim xodimlari uchun “2022–2026-yillarga mo‘jallangan Yangi O‘zbekistonning Taraqqiyot strategiyasi” mazmun-mohiyatiga bag‘ishlangan seminar o‘tkazildi.
Mazkur seminarni yuqori saviyada o‘tkazilishini ta’minlash maqsadida “Taraqqiyot strategiyasi” markazining ekspertlari Anvarjon Mirkomilov va
Iskandar O‘roqboyevl taklif etildi hamda ular “2022–2026-yillarga mo‘jallangan
Yangi O‘zbekistonning taraqqiyot strategiyasi”ning maqsad va vazifalarini seminar ishtirokchilariga batafsil yoritib berishdi. Xususan, Strategiyada keltirilgan inson qadrini yuksaltirish va erkin fuqarolik jamiyatini yanada rivojlantirish orqali xalqparvar davlat barpo etish; mamlakatimizda adolat va qonun ustuvorligi tamoyillarini taraqqiyotning eng asosiy va zarur shartiga aylantirish; milliy iqtisodiyotni rivojlantirish, uning o‘sish sur’atlarini zamon talablari darajasida ta’minlash; adolatli ijtimoiy siyosat yuritish, inson kapitalini rivojlantirish; ma’naviy taraqqiyotni ta’minlash, ushbu sohani tubdan isloh etish va yangi bosqichga olib chiqish; umumbashariy muammolarga milliy manfaatlardan kelib chiqqan holda yechim topish; mamlakatimiz xavfsizligi va mudofaa salohiyatini kuchaytirish ochiq, pragmatik va faol tashqi siyosat olib borish bo‘yicha keng ma’lumot va izohlar berildi.
Yuqori saviyada tashkil etilgan mazkur seminar so‘ngida ishtirokchilar ekspertlarga mavzu yuzasidan o‘zlarining savollariga javob oldilar, shuningdek, takliflar bilan murojaat etib, fikr-mulohazalar almashdilar.
