Joriy yilning 9-aprel kuni Davlat xaridlari sohasida “Korrupsiyasiz soha” loyihasini amalga oshirish bo‘yicha ishlab chiqilgan “Yo‘l xaritasi”ga asosan  “Korrupsiyaga qarshi kurashish” agentligida Moliya vazirligi bilan hamkorlikda Davlat xaridlari bo‘yicha “Xarid qilish tartib-taomillarini tashkil etish” mavzusida seminar  o‘tkazildi. Seminarda Moliya vazirligi huzuridagi O‘quv markazi katta o‘qituvchisi Sanjar Botirovich Boltayev tomonidan davlat xaridlari sohasida uchrayotgan korrupsion huquqbuzarliklar, qonunchilikda kutilayotgan o‘zgarishlar va yangiliklar bo‘yicha  taqdimotlar qilindi.

Seminar yakunida Agentlik mutaxassislari bilan  davlat xaridlari sohasida uchrayotgan korrupsion holatlar, ularni barvaqt aniqlash, oldini olish, qonun buzilishlariga chek qo‘yish hamda yetkazib beruvchilarni davlat xaridlariga yanada ko‘proq jalb qilish  masalalari bo‘yicha o‘zaro fikrlar almashildi hamda taklif va mulohazalar tinglandi.