Mohiyatan, qarorlar kasbiy faoliyatning barcha sohalariga, funksiyalariga aloqador sanalib, uning sifatiga sezilarli ta’sir etuvchi muhim omillar masalasida ko‘plab zamonaviy tadqiqotlar amalga oshirilgan. Qarorlar asosan, faoliyat sikli davomida qabul qilinib, u shaxsga tegishli fikrlash uslubi va zaruriy vaziyatlarga nisbatan munosabat bildirish holatidanamoyon bo‘ladi.
A.I.Orlov o‘zining “Boshqaruv qarorlarini qayta ishlash usullari va nazariyasi” monografiyasida, turli shaxslar tomonidan qaror qabul qilishda, yo‘l quyiladigan xatoliklar sababini quyidagilar bilan tavsiflaydi:
– Qaror tayyorlashda vaqtning cheklanganligi;
– Vazifaga oid ma’lumotning yetishmasligi;
– Muammoni aniqlashda tajribaning yetarli emasligi va hokazo.
Aytish joizki, qarorlarni qabul qilish nafaqat oldindan tayyorgarlikka balki, rahbar shaxsining bilim va ko‘nikmalari, shaxsiy tajribasi, boshqaruv sohaga bo‘lgan kompetensiyalariga ham uzviy bog‘liqdir. Ana shundagina, qabul qilingan har qanday qarorlar o‘z kuchiga ega bo‘ladi va boshqaruv samaradorligiga keng ta’sir etadi.
Mazkur yo’nalishda ya’ni Moliya vazirligi tizimi xodimlarining mazkur yo’nalishda bilim va ko’nikmalarini rivojlantirish maqsadida O‘quv markazi miqyosida 2022-yil 22-noyabr kuni Moliya bo‘limi mudiri va Tuman (shahar) Moliya bo‘limlarining Mahalliy budjetni shakllantirish va ijrosini monitoring qilish, budjet tashkilotlarini moliyaviy ta'minlash hamda budjetlararo munosabatlar bo‘limi bosh iqtisodchisi guruhi tinglovchilariga “BOShQARUVDA QARORLAR QABUL QILISh” mavzusida trening tashkil etildi.
Oʻzbekiston Respublikasi Moliya vazirligi huzuridagi Moliya organlari hamda byudjet tashkilotlarining moliya-hisob boʻlinmalari xodimlarini tayyorlash va qayta tayyorlash Oʻquv markazi faoliyatini yanada takomillashtirish boʻyicha 2022-yilda amalga oshiriladigan tasdiqlangan ishlar rejasining 6-bandida, tizim xodimlarining kasbiy bilim va koʻnikmalarini rivojlantiruvchi trening, oʻquv kurslari hamda davra suhbatlari tashkil etish belgilangan.
Belgilangan tadbirlardan kelib chiqib trening samarali qarorlar qabul qilish bilim va ko’nikmalarini rivojlantirishning zamonaviy metodi bo‘lmish Edvard de Bono tomonidan ishlab chiqilgan “oltita fikrlash shlyapasi” metodi asosida intraktiv asosda tashkil qilindi.
