Oʻzbekiston Respublikasi Iqtisodiyot va moliya vazirligi (29-QQ-son), Oliy taʼlim, fan va innovatsiyalar vazirligi (31-Q/Q-son), Maktabgacha va maktab taʼlimi vazirligi (32-Q/Q-son) hamda Sogʻliqni saqlash vazirligining (01-23/QQ-son) 2025-yil 5-iyundagi “Budjet tashkilotlarining moliya-hisob boʻlinmalari xodimlari uchun 2025-yilda malaka oshirish kurslarini tashkil etish toʻgʻrisida”gi qarori ijrosini ta’minlash maqsadida Iqtisodiyot va moliya vazirligi huzuridagi Oʻquv markazi tomonidan malaka oshirish kurslari tashkil etildi.
Mazkur qaror bilan tasdiqlangan “Budjet tashkilotlari moliya-hisob boʻlinmalari xodimlarining 2025-yilda malaka oshirish jadvali”ga muvofiq Maktabgacha va maktab taʼlimi vazirligi tizimidagi budjet tashkilotlari hamda markazlashtirilgan moliya-buxgalteriya xizmatlari xodimlari uchun 2025-yilning 15–19-dekabr kunlari Buxoro viloyatida navbatdagi malaka oshirish oʻquv kursi tashkil etildi.
Malaka oshirish kurslarida ishtirok etgan hisobchilarga budjet hisobi standartlariga muvofiq yagona schyotlar rejasi asosida buxgalteriya hisobini yuritish hamda yangilangan moliyaviy hisobot shakllari asosida hisobotlarni tuzish bo‘yicha tushuntirishlar berildi.
Shuningdek, “UzASBO-2” dasturiy majmuasidagi yangiliklar va o‘zgarishlar budjet tashkilotlarining hisobchilariga yetkazildi hamda ularning amaliyotdagi mavjud savollariga amaliy yechimlar berildi.
